Drwy weithio gyda Grow Wild , mae 4CG yn cefnogi prosiect ar gyfer pob cenhedlaeth, i blannu deuddeg math o flodau gwyllt o gwmpas Aberteifi.
Nod y prosiect yw helpu pobl ifanc i ddeall yr effeithiau cadarnhaol y gallant gael ar eu amgylchedd wrth weithio gyda'i gilydd - creu buddiannau iddynt hwy ac eraill, yn ogystal a chael hwyl.
Bydd yr amrywiol safleoedd o gwmpas tref Aberteifi yn creu gwledd i'r synhwyrau (yn ogystal â thiriogaeth ffrwythlon i bryfed lleol) sy'n anelu i ysbrydoli a magu cariad gan bawb tuag at flodau gwyllt.
Nid hau blodau gwyllt yn unig - rydym hefyd yn eu gwnïo!
Mae gweithdai gwau a thyfu wythnosol yn galluogi pobl i greu treflun arbennig ar gyfer trigolion lleol, ymwelwyr a gwenyn - ac yn rhoi ymdeimlad o gyflawniad iddynt.
Mae 'Aberteifi Cardigan Knitters', 'Blooming Wild Cardigan', 'Pendre Art' a Lisa Hellier yn bartneriaid yn y prosiect.
Am fwy o wybodaeth, ewch i dudalen Facebook y prosiect.